Å, tenk eingong når alle fram skal stemna

Vers 1

Å, tenk eingong når alle fram skal stemna Til himlens port, og alle bankar på! Det vert eit syn som ingen no kan nemna, Kven skal gå inn, og kven skal ute stå?

Vers 2

Å, tenk eingong det stemnemøte store Når me ved porten skal kvarandre sjå, Me som på jodri her ilag har vore; Kven skal gå inn, og kven skal ute stå?

Vers 3

Å, tenk eingong om eg og du skal vera I lag med dei som utan olje stend, Og der vår lampe utan ljos må bera, Og av vår brudgom aldri verta kjend!

Vers 4

Å, tenk eingong kor stort at me får leva Og høyra at me kan den oljen få, Som vil oss ljos på bryllaupslampa gjeva, Så me med glede kan til porten gå!

Vers 5

Å, tenk eingong når brudgommen skal koma og opna døri for si kjære brud! Då vil vel songen høgt i himlen ljoma Når brud og brudgom stend i himmelskrud.