Eg lyfter mitt auga, min Frelsar, til deg, Du kjærlege, milde og sterke,

Vers 1

Eg lyfter mitt auga, min Frelsar, til deg, Du kjærlege, milde og sterke, Eit rom i din himmel du reier åt meg Om her eg vil bera ditt merke. Å Jesus, du fullendar verket!

Vers 2

Og om eg på ferda vert vesal og tyngd Når stormar mot sjela mi strøymer, Så lyser då vona om æveleg yngd Og krona som Frelsaren gjøymer. Nei, aldri han barnet sitt gløymer!

Vers 3

Gud, gjev meg å vinna og skoda den dag Då sola for evig vil renna! Då freistande tankar og syndefult jag I hugen min aldri skal brenna, Men himmeriks fryd eg får kjenna.

Vers 4

Eg takkar deg, Frelsar, fordi du meg fann Og med meg på ferda vil vera. Eg veit at du stridde, eg veit at du vann. Og difor du maktar å bera Meg inn til di evige æra.