Eg ser deg, Gud, i kvar ein blom som tirer

Vers 1

Eg ser deg, Gud, i kvar ein blom som tirer I fagre fargar mellom stein og strå, Som alle opp mot sol og himmel stirer Med bjarte smil som barneaugo små.

Vers 2

Eg ser deg, Gud, i kvar den bekk som skummar I kvite fossar mellom knaus og koll Og kler i brudeskaut den unge sumar Og syng sitt liv utover vang og voll.

Vers 3

Eg ser deg, Gud, i kvar den tind som syner Eit bilet av din stordom og din glans, Når soli honom med sin gullkrans kryner Og snøen bind av sylv sin gritrekrans.

Vers 4

Eg ser deg, Gud, i alt det liv som yrer Kring jordi all og høgt i stjernesveim. Eg ser kor skipar alt og styrer Som kjærleg fader i ein barneheim.

Vers 5

Eg ser deg, Gud, og i mitt auga skjelver Ei gledetåre, for du har oss kjær, Og over oss så fager himmel kvelver Og gav til heim oss slik ei fager verd.