Eg vil so gjerne syngje, det er ein hjartetrong,

Vers 1

Eg vil so gjerne syngje, det er ein hjartetrong, For tusen tonar leikar i mitt sinn. Ja, den som kjenner Jesus har hjarta fullt av song, For himmelriket tok han med der inn.

Vers 2

Han er den sanne sola som alltid fagert skin Og lokkar fram ti tusen blomar små. Og vinterkulden rømer for våren ven og fin Som spår at snart me sumaren skal få.

Vers 3

Ja, han er livsens kjelde som tørsten sløkkje kan, Den kjelda opa er for den som vil. Og vatnet minkar aldri, nei, likeeins er han, Og nåden hans vil alltid strekkje til.

Vers 4

Å leve i hans nåde er gjestebod og fest, Hans kjærleik gjer meg levedagen sæl. So tagnar ikkje songen for han som elskar mest, Han alltid lagar alt for meg so vel.