Herre Jesus Krist

Vers 1

Herre Jesus Krist! Eg veit så visst Du er min Frelsar åleine. Eg trur på deg, Fylg du med meg På all min veg! Meg huggar ditt ord det reine.

Vers 2

Mitt hjarta still Rett som du vil, Så eg din eigen kan vera! Du er min Gud, Ditt fettferdsskrud, Den klednad prud, Er all mi ros og æra.

Vers 3

Min Frelsar kjær, Kom, før meg der Som helst du meg hava ville! Eg let deg inn I sjel og sinn, Du Herre min, Med all din nåde og milde!

Vers 4

Så hjarteleg Eg trøystar meg I all din kjærleik og nåde. Min Frelsar god Som for meg stod I strid og blod, Du fria meg or all våde!

Vers 5

I livsens strid Eg all mi tid På deg mi livsvon vil byggja. Du har meg løyst, Di blide røyst Og rike trøyst Mitt hjarta eine kan hyggja.

Vers 6

Vert sorgi sår, Til deg eg trår, Du hjartesåret kan grøda. Den du har kjær, Han berga er, Du honom ber Så høgt over mein og møda.

Vers 7

No veit er visst, Herre Jesus Krist! Du vil meg aldri forlata. Du sa ifrå: "Meg kalla på! Hjelp skal du få." Den lovnad eg fast vil fata.

Vers 8

Gud gjeve då At her eg må Så veksa med deg til saman, At eg med deg Og du med meg Ubrigdeleg Må leva i himmelen. Amen!