Himmelske Fader, Herleg utan like

Vers 1

Himmelske Fader, Herleg utan like! Til alle stader når ditt store rike, Stjernor du styrer Og alt liv som yrer, Alt ned til mauren i mold.

Vers 2

Ramnungar ropar, Og du gjev deim mette. Hungrande hopar Til ditt bord vert sette: Alt gjev du føda, Signar landsens grøda, Sender oss solskin og regn.

Vers 3

Mannsbarnet ville Du i nåde verna, Miskunn og milde Tér du oss så gjerna, Fører som Fader Fram i lange rader Borni du vann ved din Son.

Vers 4

Sonen du sende Som vår Frelsar trugen, Alle som vende Heilt til honom hugen, Deim han óg frelsar Og som brøder helsar, Leier deim fram til ditt fang.

Vers 5

Fader, du sæle, Høgt i himmel-stova! Med barnemæle Me ditt namn vil lova. Takk, at du ville Med ein faders milde Taka oss til dine born!