Kom, lat oss syngja

Vers 1

Kom, lat oss syngja! Syngja om Jesu nåd'! Gamle og unge, Syng om hans frelseråd, Syng om hans kjærleiks dåd!

Vers 2

Endå hans æra Høgt gjennom himlen når, Ville han bera Jordlivets tronge kår, Sona for synda vår.

Vers 3

Villig så var han Sjukdomen ta på seg, Synda mi bar han, Alt det som tyngde meg, Opna meg livsens veg.

Vers 4

Blodige sveitte, Tornar og kors og død - Alt for å frelsa Oss frå den store nød, Ja frå ein evig død.

Vers 5

Alt for å vinna Seg ei utkåra brud Som kunne finna Yndest og rom hos Gud, Kledd i hans rettferds skrud.

Vers 6

Kom, lat oss syngja Evig om denne venn, Hjarta og tunga Prisa hans kjærleik enn Her og i himmelen!