Kven vil no meg klaga Og til doms meg draga Fram til Sinai?

Vers 1

Kven vil no meg klaga Og til doms meg draga Fram til Sinai? Sårt mi synd eg kjenner, Men til Jesus renner, Han som gjer meg fri. Kom med krav ved Jesu grav! Han vil meg ein fristad laga, Kven vil der meg klaga?

Vers 2

Kven vil no meg saka, Fram i ljoset taka Gamal skuld og skam? Med Guds lov meg aga, Mine synder draga Atter mot meg fram? Jesu sår Mi sak gjer klår. Han mi skuld på seg vil taka, Kven vil så meg saka?

Vers 3

Kven vil meg fordøma? Jesu rettferds søma Løyner syndi mi. Klageren må teia, Domaren vil seia: Du er frelst og fri! Jesu blod Er soning god. Så må synd og Satan røma, Kven vil meg fordøma?