Lei, milde ljos, igjennom skoddeeim, Lei du meg fram!

Vers 1

Lei, milde ljos, igjennom skoddeeim, Lei du meg fram! Eg går i mørke natt langt frå min heim, Lei du meg fram! Før du min fot, eg treng ei sjå min veg Så langt og vidt - eit steg er nok åt meg!

Vers 2

Du veit det vel, eg bad ei alltid så: Lei du meg fram! Eg ville velja sjølv min veg, men no Lei du meg fram! Eg ville leva fritt, var stolt og strid Og stor i mod - å, gløym den dårskaps tid!

Vers 3

Di makt har signa meg, då veit eg visst Du leier enn I myr og fjell og hei, og så til sist Ein morgon renn, Då til meg smiler engleåsyn blid, Som eg har elska før, men mist ei tid.