Lovsyng vår Herre, den mektige kongen med ære!

Vers 1

Lovsyng vår Herre, den mektige kongen med ære! Herren å prise vår høgaste hugnad skal vere! Lovsongar kved, Sitar og harpe, kling med! Syng for Gud Herren, den kjære!

Vers 2

Lovsyng vår Herre som styrer med velde i nåde, Ber deg på venger som ørnen i sorger og våde! Han lét deg få Meir enn du sjølv kan forstå. Herren med miskunn deg råde!

Vers 3

Lovsyng vår Herre som allting så vel for deg lagar! Han gjev deg helse og held i si hand dine dagar, Han som i sorg Gøymer deg trygt i si borg, Fienden bort frå deg jagar!

Vers 4

Lovsyng vår Herre som livet og lukka vår leier, Vernande venger frå himmelen over oss breier, Signar vårt år, Sender oss fredsame kår, Kronar vårt arbeid med heider!

Vers 5

Lovsyng vår Herre, mi sjel og alt i meg mun vere! Alt det som lever, skal love hans store namns ære! Han er ditt ljos, Gjev honom heider og ros! Amen, han sjølv deg det lære!