Med Jesus vil eg fara På livsens ferd i lag

Vers 1

1. Med Jesus vil eg fara På livsens ferd i lag. Gud, lat den samferd vara Alt til min døyand dag! Det er mi høgste æra, Det er mi største ros Hans fylgjesvein å vera Og vandra i hans ljos.

Vers 2

2. Min Jesus, sannings stjerna, Lys opp min mørke veg! Mitt hjarta vil så gjerna Få fylgja etter deg. Du lyser enn i verdi Som før frå Betlehem. Ver du mitt Ijos på ferdi. Til heim med deg eg kjem!

Vers 3

3. Min Jesus, gjævast givnad, Min eignalut og skatt! I all min gang og livnad Meg støtt for auga statt! Som vesle blomen trugen Ser opp mot sol og dag, Til deg så vender hugen, Til deg kvart andedrag.

Vers 4

4. Min Jesus, Sarons lilja, Bløm fagert opp i meg! Lat ingen ting meg skilja Og riva bort frå deg! Du vintre i Guds hage. Min kjære Herre Krist, Unn også meg den lage Å veksa som din kvist!

Vers 5

5. Du til di grein meg sette Alt i min fyrste vår, Med livsens dogg meg vætte, gav sol og signa år. Du vil og vokster gjeva Alt til min siste slutt: Lat meg i deg få leva, I deg få anda ut!