No syng det i mitt hjarta, For Kristus er mitt liv.

Vers 1

No syng det i mitt hjarta, For Kristus er mitt liv. All hugverk, nød og smerta Han or mitt hjarta driv. Det lyser som ein sommar, Som fager blomekrans: Det gildaste på jorda, Det er å vera hans.

Vers 2

Kor herleg å få gøyma Seg innved Jesu barm Og kjenna freden strøyma Som hugen min gjer varm. Når Jesu kjærleik lyser Som sola i sin glans: Det gildaste på jorda, Det er å vera hans.

Vers 3

Kor herleg å få skoda Inn i det kjærleikshav, Og grunda på den nåde Som Gud i Kristus gav. Hans kjærleik aldri bleiknar, Men aukar i sin glans: Det gildaste på jorda, Det er å vera hans.

Vers 4

Og snart vil Jesus senda Si englevakt med bod. Han vil all løyndom venda Til klårleik heil og god. Og står eg eingong heime Med livsens brurekrans: Det gildaste i himmlen, Det er å vera hans.