Så elska Gud oss at han gav sin kjære Son til kross og grav,

Vers 1

Så elska Gud oss at han gav sin kjære Son til kross og grav, At ikkje me skal døden sjå, Men evig liv ved honom få.

Vers 2

Når du Guds kjærleik grant vi sjå, Til Golgata du fara må, Der Jesus til si pine skrid Og sårt for våre synder lid.

Vers 3

Han går til spott og slag og sår, Til dauden dømd for mingjerd vår. Han går så bøygd og ber sin kross Til liv og lækjedom for oss.

Vers 4

Du sol som renn med gyllen glans, Er skuggen lik mot ljoset hans. Og endå morket honom batt Ei liti stund i helheims natt.

Vers 5

Å kjærleik, glimande som gull, Å nådens løyndom underfull! Du lyser gjennom dødens naud Som glimestein med loge raud.

Vers 6

Så står eg still ved krossens tre Og fell med hjartans gråt på kne, Eg ser mi synd så stor og fæl, Men kjærleik din så søt og sæl.

Vers 7

Eg er di åsyn engleblid, Der bleik og blødande du lid. Eg ser ditt auga slokna ut, Då græt eg sårt i hjartesut.

Vers 8

Eg ser deg der for oss du bed, Eg ser ditt hovud luta ned, Eg ser deg døy med heilagt mot, Då må velhjarta gråta blod.

Vers 9

Å kjærleik, kjærleik, lat meg då Ditt ljos i livsens mørker sjå, Og når så kjem mi siste stund, Så lys meg inn i sælan blund!