Sjå, Jerusalem: No din konge kjem

Vers 1

1. Sjå, Jerusalem: No din konge kjem! Som ein frelsar logn og tolen Rid han fram på asenfolen. Gled deg, du Guds stad, Møt din konge glad!

Vers 2

2. Undeffull i råd, Sterk i dug og dåd, Evig Gud, sin Faders like, Fredens fyrste i Guds rike - Med det namn han er Helsa i Guds hær.

Vers 3

3. Fredsam er hans ferd, Fager er hans gjerd. Sjå, han byd deg fred og frelsa, Gå då ut og honom helsa! Høgt av fagnad kved! I din Gud deg gled!

Vers 4

4. Gjer då vegen jamn Og velsign hans namn! Sions stad, syng ut og sanna: No kjem Jesus! Hosianna! Lovsyng han som dreg I Guds namn til deg!

Vers 5

5. Ja, til deg, til deg Går hans kongeveg. I ditt hus han heim vil finna, Og ditt hjarta vil han vinna. Inn din Frelsar bed, Og ditt hus får fred!

Vers 6

6. Signa du som kjem Til Jerusalem! Fredens fyrste frå Gud Fader, Vis ditt velde alle stader! Gjer kvart hjarterom Til din heilagdom!