Sjå, verdi er full utav freisting og fåre

Vers 1

Sjå, verdi er full utav freisting og fåre Og meinråder mange for oss og for våre. Men Jesus er nær oss og hjelp til oss sender, Me kjenner oss trygge i Frelsarens hender.

Vers 2

Me høyrer vår hyrding, hans røyst vil me fylgje I gråt og i glede, på berg og på bylgje, Gudsbarnet han kjenner, og våden han vender, Me kjenner oss trygge i Frelsarens hender.

Vers 3

Det vesle gudsbarnet slett ingenting skader, For Jesus, vår Frelsar, er eitt med Gud Fader. Han leier vår lagnad, si hjelp han oss sender, Me kjenner oss trygge i Frelsarens hender.

Vers 4

Om syndi og verdi til fall vil oss drive, Or Frelsarens hender oss ingen kan rive. Om døden, den gramme, på dørstokken stender, Me kjenner oss trygge i Frelsarens hender.

Vers 5

Me skal 'kje fortapast! Med Jesus me stiger Frå døden til livet, til æveleg siger. Dei stig alt for augo dei herlege strender, Me kjenner oss sæle i Frelsarens hender.